Қостанай қаласында «Ағайынды Орал және Қорған Айтеновтардың рухына арналған» жастар арасындағы халықаралық турнир маресiне жеттi.

Бұл турнир дәстүрлі, 18-шы мәрте өткізіліп келеді. Ел мақтаныштары Геннадий Головкин, Бақтияр Артаев, Серiк Сәпиев, Данияр Елеусінов, Иван Дычко секілді боксшылар осы турнирдің алғашқы қатысушылары болып табылады. Атыраулық боксшылар 1 күміс және 3 қола жүлдеге қол жеткізді. 69 келі салмақта Бітімов Абылайхан күміс жүлдегер атанды. Ол тек ақтық сында Маңғыстаулық боксшыға есе жіберді. Осы салмақ дәрежесінде Нұрымов Нұркен қола медаль иегері атанды.